Melide, 18 de xullo do 2018 – O concello de Melide ven de poñer en marcha unha nova campaña de desbroces nas parroquias do rural co fin de previr incendios e mellorar a seguridade viaria.
A Concellería de Obras e Servizos realizara os desbroces nas 26 parroquias do concello. Melide dispón actualmente de seis tractores, dous vehículos municipais e catro empresas contratadas que traballan xa desde hai tempo no mantemento das distintas zonas. A campaña de comezou na parroquia de Golán e estes días os traballos estanse realizando nas parroquias de Maceda, Xubial, Campos e San Salvador, e pouco a pouco iránse extendendo a todas as parroquias do concello.
Os primeiros traballos fixéronse hai meses en pistas non asfaltadas e en esta nova etapa traballarase nas estradas que son as máis utilizadas polo rural. Ademais da prevención de posibles lumes pola existencia da maleza estas limpezas axudan a despexar as marxes das vías mellorando a seguridade tanto para os coches como para os peóns. A concelleira de Obras e Servizos, Rosa Cabado, explica que “a partires das vindeiras semanas incrementaranse os traballos debido a que unha brigada composta por nove operarios realizará tamén desbroce de maneira manual para poder acceder a lugares nos que as máquinas non o poden facer”.
Chamamento para a limpeza de solares
Dende a Concellería de Medio Ambiente do Concello de Melide, fan un chamamento á responsabilidade da veciñanza de Melide para que manteñan os seus solares limpos de maleza sobre todo nestes meses de verán no que as altas temperaturas poden provocar incendios. Tal e como explican ano a ano dende o Concello de Melide o incumprimento desta norma conleva sanción económica. Ademais serán os propietarios dos terreos os que teñan que asumir o custo dos traballos de limpeza no caso de que sexa o Concello quen os realice.