Melide, 2 de xaneiro do 2017 – O Concello de Melide vén de sustituir diferentes puntos de luz en diversas rúas por outro sistema led que axudará a mellorar a eficiencia enerxética da localidade.
Son un total de tres luminarias as cambiadas por alumeado led de 40 watios. A sustitución fíxose en rúas moi próximas ao Camiño de Santiago como a avenida dos Senadores, a rúa Pintor Nelson Zumel e rúa Inés de Castro.
Con este novo sistema, optimízase a eficiencia enerxética destas rúas e tamén se consegue unha mellora iluminación. En palabras da alcaldesa Dalia García “é un paso fundamental, ademais de retirarse fustes e sistemas obsoletos, adaptándoos á normativa europea”. Con esta actuación, que tivo un investimento próximo aos 10.000 euros, “complétase a retirada das denominadas luminarias globo, buscando unha mellor rendibilidade na factura xa que as luminarias led teñen un menor consumo eléctrico”, explicaba a rexedora.
