Melide, 9 de xaneiro do 2019 – Catro proxectos de rehabilitación nas parroquias de Meire e Leboreiro, en Melide, foron destinatarios das axudas a zonas de Rede Natura.
A alcaldesa de Melide, Dalia García, acompañou ao Delegado da Xunta, Ovidio Rodeiro, e a Cristina Carrión, Xefa territorial de Medio Ambiente, na visita as actuacións realizadas. Dentro da Rede Natura coñeceron no lugar do Castro, en Meire a rehabilitación realizada nun alpendre en un forno tradicional.
Outras melloras realizadas en parroquias de Melide ao abeiro destas axudas foron a reconstrución de muros de cachotaría tradicional así como rehabilitación de hórreos. O importe máximo para cada proxecto foi de 12.000 €.
Estas axudas están financiadas co Fondo Europeo Agrícola de Desarrollo Rural (Feader) no marco do Programa de desenvolvemetno rural de Galicia 2014-2020. A Dirección Xeral de Patrimonio Natural financia inversións non produtivas para alcanzar obxectivos agroambientais e climáticos nestes ámbitos.
A maior parte dos proxectos presentados, dez de doce, localízanse na comarca de Santiago, concretamente nos concellos de Toques, Santiso, Padrón e Melide nos que a Consellería de Medio Ambiente, Territorio e Vivenda inviste máis de 115.000 euros.