Melloras no alumeado público dos Ánxeles, Brión e Boullón

0

Brión, 24 de maio do 2019 –  O Concello de Brión vai investir un total de 285.451,46 euros na mellora do alumeado público das parroquias dos Ánxeles, Brión e Boullón, grazas á aprobación de dúas novas subvencións.

Os proxectos de eficiencia enerxéticna no alumeado público foron aprobados polo Instituto para a Diversificación e Aforro da Enerxía (IDAE), entidade pública empresarial adscrita ao Ministerio para a Transición Ecolóxica.

O alcalde de Brión, José Luís García, explica que estes proxectos “van permitir cambiar todo o alumeado público da parroquia de Boullón, así como a avenida de Santa Minia ata o cruce dos Ánxeles e dende o Cruce dos Ánxeles ata O Tremo e o límite con Ames, onde colocaremos novas luminarias de tecnoloxía LED”. García fai fincapé no feito de que “ademais de mellorar a eficiencia enerxética da instalación, as novas luminarias serán máis estreitas cas actuais, polo que os peóns gañarán máis espazo, sobre todo aquelas persoas que leven carriños de bebé ou se movan en cadeiras de rodas”.

Proxectos

O primeiro dos proxectos aprobados permitirá un investimento de 39.457,25 euros na substitución de luminarias de vapor de mercurio por luminarias LED no alumeado público da parroquia de Boullón. Unha actuación que permitirá substituír todo o alumeado público desta parroquia.

O outro proxecto, “Renovación do alumeado público e mellora da eficiencia enerxética en varias zonas urbanas do Concello de Brión”, contará cun investimento de 245.994,21 euros en tres tramos: Avenida de Santa Minia (parroquia de Brión) por 84.387,25 euros, Os Ánxeles (36.870,45 €) e O Tremo (49.583,48 euros), ambas localidades na parroquia dos Ánxeles.

As obras previstas inclúen a substitución do alumeado actual por outro de alta eficiencia tipo LED, que permitirá unha diminución do consumo eléctrico e unha mellora da eficiencia enerxética da instalación. Así mesmo, procederase á reforma completa dos cadros de mando e protección, así como á substitución dos equipos de acendido actuais e eliminación de puntos de luz innecesarios. Unhas actuacións que permitirán diminuír ata nun 60% o fluxo emitido, mantendo os niveis de alumeado necesarios.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial