Padrón, 8 de abril do 2021 – A Deputación da Coruña investirá preto de medio millón de euros para mellorar as condicións de camiños e estradas rurais do concello de Padrón.
A Plataforma de Contratación do Estado vén de publicar a licitación pública dunha batería de sete proxectos en padrón que serán financiadas con cargo ao Plan Único.
As obras inclúen desbroces e limpeza de beiravías, así como o acondicionamento e renovación do pavimento en diferentes vías de titularidade municipal, principalmente en zonas rurais do municipio padronés.
O maior investimento (123.525 euros) destinarase ao afirmado e acondicionamiento de varias pistas en Berxaos-Rial do Mato. Tamén se levarán a cabo obras de mellora en Pedroso Norte, Pedro Sur e acceso a Tarrío (Cruces), nos camiños de Extramundi de Abaixo e A Barca-Cortiñas e executarase a pavimentación de diversos viais en Cambelas.