Melloras para o adro da igrexa de Santa Cristina de Marcelle da Baña

0

A Baña, 6 de outubro do 2018 – A Deputación da Coruña achega ao Concello da Baña un total de 57.000 euros co que se financiará o 71% do proxecto de mellora e humanización do adro da igrexa de Santa Cristina de Marcelle que conta cun orzamento total de 76.848 euros.

O deputado de Contratación, Patrimonio e Equipamento, Xesús Soto, o alcalde do concello da Baña, José Andrés García Cardeso e o deputado de Economía e Facenda, Antonio Leira, participaron no acto de sinatura de convenio polo que a Deputación da Coruña financia as obras de mellora do adro da igrexa de Santa Cristina de Marcelle. O proxecto conseguirá eliminar os problemas de encharcamento e recuperará o espazo para uso veciñal coa colocación de bancos e pavimento de granito.

Os traballos pretenden, en primeiro lugar, solventar os problemas de acumulación de auga e encharcamento que se producen habitualmente na explanada que rodea a igrexa e a casa reitoral, un lugar usado como zona de esparexemento e celebración de actividades lúdico-recreativas da veciñanza. Con este obxectivo, dotarase a zona dunha capa filtrante de grava sobre a que instalará terra vexetal e céspede. Así mesmo , construiranse unha serie de ramais de drenaxe soterrados que permitirán recoller a auga e canalizala ata un pozo existente nas marxes da calzada que linda co adro.

 A zona dotarase tamén de nova pavimentación de acceso tanto peonil coma para vehículos, ambas a base de lousas granito silvestre con acabado abuxardado e xuntas verdes para lograr unha integración acorde ao entorno. Os tramos peonís darán acceso tanto á igrexa como á zona do cruceiro. Finalmente, dotarase ao adro dunha bancada que permita a reunión e descanso dos veciños na zona. A bancada instalarase no muro que delimita a finca e será cunha estrutura de aceiro negro liso con esmalte metálico sobre a que se instalarán unha serie de listóns de madeira, permitindo tamén unha axeitada integración no entorno.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial