Compostela, 17 de outubro do 2018 – Os rapaces do IES Aquis Celenis de Caldas que acudiron a función de Arnoia Arnoia no Salón Teatro non contaban con poder falar co mestre Méndez Ferrín e poder manter un coloquio con el.
A coprodución do CDG e Pista Catro Arnoia Arnoia ofrece esta semana funcións para escolares. Este mércores os alumnos chegados desde Caldas tiveron a visita sorpresa do autor do texto que inspira a obra, Xosé Luís Méndez Ferrín. O autor mostrouse moi satisfeito e, acompañado do elenco e do director, respondeu desde o escenario algunhas das cuestións plantexadas polos rapaces. Ferrín lembrou a súa estirpe de circo, descendente dos fundadores do ourensán circo Feijoo, nado en 1870, e primo do padre Silva, fundador do Circo de los Muchachos, e animou aos presentes a defender esta rama artística.
Méndez Ferrín
Arnoia Arnoia está inspirada na obra do mesmo título de Méndez Ferrín. Baixo a dirección de Quico Cadaval é unha produción de Pista Catro para o Centro Dramático Galego e aínda pódese ver estes días no Salón Teatro de Santiago.
