A Estrada, 3 de maio do 2019 – A Asociación Vagalume organiza este sábado, oito e media da tarde no salón de actos do MOME (Museo do Moble e a Madeira da Estrada), unha mesa redonda sobre a protección do patrimonio de esa zona na actualidade.
O acto de Vagalume é un dos previstos durante este mes con motivo do día das letras galegas, dedicadas a Antonio Fraguas, e organizados en colaboración co Museo do Pobo Galego.
Na Estrada en particular Antón Fraguas é un dos responsables da sensibilización sobre o valor do patrimonio. Durante o seu período de vida en este concello o profesor tratou de ensinar o aprecio cara os nosos bens materiais, inmateriais e naturais que legaron os devanceiros.
Vaglume explica que por este motivo “queremos dar comezo cun acto de posta a debate da actividade de defensa de divulgación da nosa riqueza patrimonial que se está a facer na nosa comarca. Para isto contamos coa presenza nunha mesa redonda de activistas que teñen desenvolto o seu labor en territorios da nosa bisbarra: Calros Solla (Cerdedo e Terra de Montes), Heitor Picallo (Cuntis) e Carmela Sánchez Arines (A Estrada)”.
