Miguel Santalices, presidente do Parlamento de Galicia

0

Compostela, 4 de setembro do 2020 – Esta semana comezou unha nova lexislatura autonómica e quixemos falar co Presidente do Parlamento de Galicia Miguel Santalices.

Desde a bisbarra esquécese a miúdo que é alí onde se aproban as leis que despois os concellos terán, en moitos casos, que aplicar. Miguel Santalices leva moitos anos en política e fixo un importante esforzo para difundir o traballo que se realiza no Parlamento, razón sobrada para coñecelo un pouco máis.

A lexislatura rematada foi complexa, entre outras cousas pola cantidade de grupos políticos presentes na Cámara. Miguel Santalices a valora de xeito positivo porque nas Comisións acadouse un 60% de acordos e no Pleno un 40 %. Agradece o comportamento de todos os parlamentarios e lembra os pasamentos do socialista Raúl Fernández Fernández e do Popular Carlos López Crespo.

O Parlamento de Galicia é a primeira institución do territorio pero segue sen ter entre a poboación, sobre todo nos pobos máis pequenos, a relevancia que debería. É aquí onde se está a facer un esforzo maior. As visitas de escolares ou os recoñecementos de institucións privadas dan mostra de que se esta no bo camiño

O Parlamento de Galicia é ademais patrimonio. Como mencionaba Miguel Santalices ten a mellor colección pública de arte de Galicia pero ten ademais dúas bibliotecas, unha delas a de Ricardo Carballo Calero a quen se lle dedicou este ano o Día das Letras Galegas

A nova lexislatura preséntase moi distinta. Por unha banda a Cámara só terá 3 grupos políticos e iso axilizará o funcionamento. Pero tamén a crise que vivimos terá que marcar o traballo e o consenso para sacar adiante iniciativas que axuden á poboación

Si Miguel Santalices fora mestre sería doado establecer un paralelismo co seu papel de árbitro no Parlamento pero é licenciado en medicina e cirurxía pola USC. Da súa profesión saca, según nos conta, a concentración precisa para atender a todo o que pasa na Cámara

Si un coñece o percorrido profesional de Santalices é imposible non reparar no seu papel como director do Psiquiátrico de Toen. A bricandeira é doada pero o certo é que coñecer a psicoloxía das persoas ten dalgún xeito que axudar a lidar cos parlamentarios. Ao propio presidente se lle pasou pola cabeza a comparación

Como nos sucede a todos, Miguel Santalices nunca pensou atoparse nunha situación como a actual. Lémbranos que curiosamente antes de ser Parlamento, o edificio no que falamos, foi misión biolóxica dirixida por Cruz Gallástegui e pensa que a sanidade e a economía marcarán a lexislatura. Pídelle aos Deputados que transmitan a importancia da prevención para acabar coa pandemia.

A conversa con Miguel Santalices é doada, sabe escoitar e escoitalo falar é un pracer. Transmite seguridade no que di e iso é máis do que moitos políticos son capaces de dar. Non está nas súas mans lexislar pero é unha peza fundamental para que os engrenaxes do Parlamento funcionen e a súa experiencia é unha das mellores ferramentas da Cámara.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial