Ames, 23 de marzo do 2017 – O pasado sábado o Club Millaraio acudiu con 25 participantes aos Campionatos Galegos de Pista Cuberta para menores nas categorías benxamín, alevín e infantil.
O resultado final foi enormemente positivo cun total de 6 medallas, 6 cuartos postos e unha gran cantidade de marcas persoais melloradas.
Lograron o bronce Zulfa Muiño no peso infantil feminino, Iago Cid na pértega infantil masculina e Daniel Cariñena nos 50 m.l. infantís.
Rocío Suárez alzouse coa medalla de prata nos 50 m.l. benjamines e nunha emocionante final dos 50 valos infantís Mateo Aller e Diego Seoane lograron un extraordinario dobrete proclamándose campión e subcampión galego da especialidade.
Uns excelentes resultados para o Millaraio que os anima a continuar na liña de traballo que seguen.