O Monbus Obradoiro cae ante o Valencia Basket

0

Compostela, 6 de outubro do 2017 –  Unha de cal e outra de area, tras gañar na primeira xornada da liga Endesa o Monbus Obradoiro caeu ante o Valencia Basket, vixente campión da competición.

Os de Moncho Fernández saltaron enérxicos á pista con Sàbat, Thomas, Laksa, Llovet e Pustovyi, que tentaron incomodar ao seu rival tanto en ataque como en defensa, conseguindo así as primeiras rendas do partido (3-10), da man de Thomas.

 Non tardaron os de Txus Vidorreta en reaccionar en defensa, igualando case o marcador no ecuador do primeiro cuarto (8-10) grazas ás actuacións de Doornekamp e Van Rossom. O primeiro tempo terminou cun 22-19 reflectido no electrónico que deixaba clara a igualdade que predominaba no encontro.

 Continuou con garra e esforzo o Monbus Obradoiro durante o inicio do segundo cuarto, que renovaron cun parcial de 0-6. Os valencianos non ían poñer fáciles as cousas aos galegos e Green e Xastre guiaron ao seu equipo na remontada. Os de Moncho Fernández responderon con Pustovyi mandando na zona e con tres triplos de Simons, Sàbat e Pechacek para chegar ao descanso igualados a 35 no marcador, cunhas diferenzas a 4 a 13 en faltas e 14 a 2 en tiros libres.

 Tras o paso polos vestiarios, o conxunto compostelán regresou á pista cun ritmo superior ao equipo taronja, que lles permitiu anotar un parcial de 4-11 que obrigou a Txus Vidorreta a pedir un tempo morto. Esta parada sentou ben aos valencianos e, especialmente, a Green, que anotou sete punto seguidos para igualar de novo o marcador. Apareceu así Alberto Corbacho para responder desde a liña de 6,75. E, a continuación, Rafa Martínez liderou ao seu equipo na remontada anotando sete puntos seguidos, facendo dano ao Monbus Obradoiro, que non era capaz de recortar as distancias no marcador e terminou o terceiro cuarto 57-54.

Martínez continuou en refacho e, xunto a unha canastra de Will Thomas, o Valencia Basket lograba a súa máxima vantaxe (61-54). O Monbus Obradoiro deixou claro que visitara a Fontenta para pelexar pola vitoria ata o último momento e non llo puxo fácil aos valencianos. O segundo triplo de Corbacho puxo ao banco en pé tras poñerse de novo a só dous puntos no marcador a falta de 6 minutos de partido. Pero a entrada a pista de Green e Van Rossom permitiu ao equipo taronja aumentar a brecha no marcador ata os 12 puntos a pesar dos intentos do conxunto galego con canastras de Thomas, Sàbat, Navarro e Laksa. O partido terminou con vitoria para o actual campión da liga Endesa por 80-67.

FICHA TÉCNICA

Valencia Basket 80: Vives (-), Green (19), Xastre (8), Thomas (6), Dubljevic (11) -cinco titular- Van Rossom (13), Rafa Martínez (11), Pleiss (4), Doornekamp (6), Llompart (-), Hlinason (-) e Porto (2).

Monbus Obradoiro 67: Sabat (6), Thomas (13), Laksa (8), Llovet (2), Pustovyi (14) -cinco titular- Simons (3), Radovic (6), Navarro (2), Bendzius (4), Pechacek (3), Corbacho (6) e Pozas (-).

Árbitros: Hierrezuelo, Aliaga e Martín Caballero.     Parciais: 22-19, 13-16, 22-19, 23-13

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies