Compostela, 29 de novembro do 2018 – O adestrador do Monbus Obradoiro, Moncho Fernández, foi o encargado de acender a iluminación de Nadal do Mercado La Galiciana.
Un pouco despois das nove e media da noite Moncho Fernández, que chegou acompañado pola súa familia e membros do seu equipo como Fran Grela, dáballe ao botón co que acendía as 12.000 bombillas que forman a iluminación de Nadal do Mercado La Galiciana.
La Galiciana comeza así o seu primeiro Nadal en Compostela con distintos eventos preparados para as próximas datas. A presenza do Obradoiro, e de Moncho Fernández, é habitual nos eventos da cidade e non fai moito tempo foron os xogadores os que participaron no mercado no Campionato Galego de Tiraxe de Cervexa.
A noite continuo cun grupo en directo que interpretou pezas clásicas da época de Nadal.