Bisbarra, 15 de febreiro do 2021 – Na semana que vai do Día dos Medios en Galego ao Día da Radio desde Lindeiros.gal poñemos en marcha o primeiro podcast informativo sobre a bisbarra de Compostela.
Coa filosofía de “a radio non morreu, só mudou de sitio” o noso podcast recolle a experiencia do locutor e xornalista Manel Pardo, con máis de 20 anos de profesión informando da bisbarra de Compostela.
Más dunha hora de contidos semanais
O programa terá unha periodicidade semanal e unha duración que estará en torno aos 60 minutos. Pardo explica que os novos formatos, como o podcast, non obrigan a un tempo determinado como sucede na radio. Reportaxes e entrevistas serán o compoñente principal. O primeiro programa xa está a disposición dos subscritores cos contidos seguintes
Sustentabilidade e independencia
O noso obxetivo é facer o xornal sostible e independente. Lindeiros.gal seguirá en aberto publicando cada día as novas dos concellos da bisbarra de Compostela e, agora, publicando un podcast de pago semanal.
O podcast de Lindeiros.gal está aloxado en Patreon, unha plataforma que ofrece todas as ferramentas necesarias tanto aos creadores como aos chamados “mecenas”. Unha web moi accesible e unha APP envían aos subscritores alertas cando hai novas publicacións que, ademais, poderanse descargar.
Os que apoien a iniciativa teñen 3 niveis de apoio que parten de 4 euros ao mes e que conlevan distintas vantaxes. En todos os casos se accede ao podcast semanal e as entrevistas exclusivas que se vaian publicando. No seguinte programa falaremos de comercio e economía circular, dos eólicos e conversaremos coas Tanxugueiras.