Negreira, 8 de agosto do 2018 – O concello de Negreira ven de enviar, o pasado día 1, un escrito a Archidiócesis de Compostela para que modifique ou retire unha placa da igrexa de San Xulián por non acatar a Lei de memoria histórica.
A igrexa de San Xulián de Negreira ten na súa fachada unha placa na que se lembra exclusivamente aos “combatientes del bando nacional en la guerra civil”. O concello lembra na comunicación enviada a institución eclesiástica que esa frase vulnera o artigo 15 da Lei de memoria histórica, no relativo a símbolos e monumentos públicos, que no primeiro apartado di: Las Administraciones públicas, en el ejercicio de sus competencias, tomarán las medidas oportunas para la retirada de escudos, insignias, placas y otros objetos o menciones conmemorativas de exaltación, personal o colectiva, de la sublevación militar, de la Guerra Civil y de la represión de la Dictadura.
O concello reclama da Archidiócesis que a placa sexa modificada de xeito que non faga mención expresa de ningún dos bandos enfrontados durante a Guerra Civil ou ben a retire xa que supón a exaltación colectiva da sublevación militar.