займ срочно

Abre a 13 º Feira do Románico de Negreira

0

Negreira, 30 de agosto do 2019 – Comeza unha das citas da bisbarra no final de agosto, desde as seis de esta tarde xa podemos acudir a Feira do Románico de Negreira que chega a súa decimo terceira edición.

Hoxe a Feira do Románico abre a partir das seis con músicos e seres doutras épocas percorrendo o mercado. As sete e media o espectáculo de circo Human no Limits terá lugar na Praza do Cotón. As once e media da noite o circo transfórmase en lume nunha nova actuación de Human no Limits.

Sábado

A fin de semana intensifica a actividade desde as 11 da mañá que a abre a Feira. Os músicos e espectáculos de rúa estarán presentes tódolos días a distintas horas e o sábado as doce e media terá lugar o primeiro Gran Baile Medieval que organizará a Asociación Carnavaleiros de Liñaio no Palenque.

A Praza do Cotón, as 13 horas tamén do sábado acollerá outro dos espectáculos tradicionais na Feira, o de cetrería; unha mostra que se repetirá as seis e media da tarde.

Pero unha das novidades de esta edición, e das máis agardadas, será o Torneo Medieval que terá lugar no Palenque a partir das oito e media da tarde. As xustas a cabalo ou pe a terra ocuparán boa parte do espectáculo organizado pola empresa Legend. O Torneo repetirase o domingo a partir das 13 horas e a última actuación será tamén o domingo as 20:00 horas.

O sábado rematará co evento Quimera as dez e media da noite no Campo da Feira, cun espectáculo de Lume as doce na Praza do Cotón que será seguido dun de pirotecnia e unha gran queimada popular.

Domingo

O último día da Feira do Románico terá, ademais da cetrería e as xustas xa mencionadas, unha actuación de circo aéreo na Praza do Cotón a partir das 12,30.

O espectáculo de rúa Errantes porá fin a esta edición a partir das dez e media da noite.

Outras actividades

A feira non é só espectáculo e ao longo da fin de semana poderase visitar o mercado de artesanía, as mostras de oficios tradicionais, e os postos de actividades para os máis cativos presentes cada ano.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies