Lembran a primeira sentenza en lingua galega ditada nos xulgados de Noia

0

Noia, 29 de marzo do 2019 – O secretario xeral de Política Lingüística, Valentín García, asistiu hoxe ao mediodía en Noia ao acto organizado para conmemorar a primeira sentenza en lingua galega que foi ditada nos xulgados da vila.

A conmemoración de esta primeira sentenza en galego foi organizada pola Irmandade Xurídica Galega e pola Asociación de Funcionarios para a Normalización Lingüística, en colaboración coa Secretaría Xeral de Política Lingüística da Consellería de Cultura e Turismo e co Concello. O evento celebrouse no edificio do Xulgado de Primeira Instancia e Instrución, onde se descubriu unha placa que deixou constancia da publicación daquela primeira sentenza na lingua propia de Galicia.

O secretario xeral gabou o traballo dos que se esforzan día a día “para que as persoas galegofalantes que chegan aos xulgados se decatan inmediatamente de que o seu idioma é benvido e que poden empregalo con total liberdade e garantías”.

Xunto con Valentín García, interviñeron no acto Santiago Freire Abeijón, alcalde de Noia; Xoaquín Monteagudo, presidente da Irmandade Xurídica Galega, a maxistrada Lorena Tallón García e os letrados Tania Castro e Jacob Del Río.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial