Noites Alternas en Compostela

0

Compostela, 16 de outubro do 2020 – O concello de Santiago de Compostela ven de presentar as Noites Alternas na procura de dinámicas saudables para a mocidade.

Rubén Prol, concelleiro de Mocidade, foi o encargado de presentar este programa de lecer nocturno destinado a mocidade. As Noites Alternas ten como obxectivos establecer relacións persoais saudables e construtivas, apoiar a prevención de hábitos de consumo de alcol e drogas e xerar dinámicas críticas, participativas e creativas que poidan reverte en beneficios da xuventude e da sociedade en xeral.

O programa foi explicado por Adrián Rei, da asociación cultural e xuvenil, Itaca, que organiza as distintas accións xunto ao Concello de Santiago, a través do departamento de Mocidade. A próxima será o xoves, 22 de outubro. Teatro ás nove da noite, no Centro Xove da Almáciga; e o obradoiro “Botiquín vivo na xanela. Uso e cultivo de plantas medicinais en macetas, de oito e media a dez e meda da noite, no local de Itaca. Todas son de balde e cómpre inscribirse no formulario en liña dispoñible na web itaca.gal. As prazas son reducidas, nove por grupo, e asinaranse por orde de inscrición.

O programa pódese desenvolver, segundo sinalou o concelleiro, grazas a asociacións, equipamentos municipais, e persoas interesadas en ofrecer o seu talento e experiencia. “Todo isto reverte nun enriquecemento da oferta cultural e da cidade, e ao mesmo tempo, activa e fortalece o traballo de base das persoas, asociacións e colectivos do concello”, engadiu.

A proposta presentada, sinala Prol, continúa co traballo en rede iniciado en anos pasados, que axuda, indicou o concelleiro “a dispoñer dunha alternativa de lecer máis enriquecedora, activa e construtiva” e, ao mesmo tempo permite difundir o traballo das asociacións do concello e desenvolver e proxectar o talento e a creatividade da xuventude compostelá”.

Para apoiar este proceso, convocouse un convite para que as persoas e entidades interesadas puidesen presentar as súas propostas de actividades para ser desenvolvidas nas Noites Alternas. Presentáronse 48, de moi variada tipoloxía, o que, segundo o concelleiro, “dá boa conta do interese subscitado pola iniciativa, e mesmo da necesidade de establecer plataformas e canles para que o talento mozo poida desenvolverse e proxectarse en condicións e con calidade”. Neste momento hai 26 colectivos e asociacións implicadas no programa, con 65 persoas colaboradoras, e con 31 actividades programadas.

Dada a situación excepcional creada pola pandemia da covid-19, o Noites Alternas priorizou as actividades que facilitasen a prevención, como aquelas accións creativas para grupos pequenos e con materiais individualizados; actividades externas como xogos e roteiros; e actividades escénicas en espazos amplos e con aforos reducidos.

Rubén Prol explicou que o programa, que comezou o pasado 24 de setrembro · está tendo moi boa acollida, xa que nas dúas primeiras semanas de programación as prazas ofertadas cubríronse na súa totalidade e na maioría das actividades abríronse listas de agarda”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial