Compostela, 1 de decembro do 2020 – A USC organiza Nós e o mundo. O mundo e nós, diversos relatorios que se achegarán ao contexto histórico da emblemática revista no ano conmemorativo do centenario do seu nacemento.
O Salón de Graos da Facultade de Filoloxía da USC acollerá tres mesas redondas que se desenvolven estes días. Onte luns foi o día dedicado ao celtismo, Irlanda e Galicia, un relatorio que se pode ver aquí.
Hoxe martes será a quenda das materias filolóxicas e lingüísticas baixo a moderación de Iago González García. José Luís Forneiro, Inmaculada Mas Álvarez e Henrique Monteagudo.
Mañá día 2, César Domínguez e Carlos Quiroga analizarán a revista en relación con outros sistemas literarios, actuando como moderador Xosé Xohán Rodríguez Rodríguez.
Todas as sesións comezarán ás 19.00 horas e poderán seguirse en liña a través desta ligazón e posteriormente permanecerán a disposición dos interesados.