Ordes, 3 de decembro do 2018 – O Club Boudsport de Ordes segue tirando medallas e éxitos nos campionatos internacionais de Taekwondo, en este caso no Open 2018 en París e no Campionato de Europa celebrado esta fin de semana en Oropesa del Mar.
Cristóbal Boudjenane responsable técnico do Boudsport ven de proclamarse subcampión de Europa no Campionato de Europa Máster na categoría +45 anos e -68 Kg. Esta competición disputouse en Oropesa del Mar xunto co campionato de España por Clubs. A este éxito hai que engadir a medalla de bronce conseguida por Sara Gacio no prestixioso Open Internacional de París celebrado o mes pasado.
O Concello de Ordes felicita a Cristóbal Boudjenane polo seu novo logro que suma á ampla lista que nos últimos anos están facendo medrar considerablemente os e as taekwondistas ordenses.
