Ordes, 30 de novembro do 2018 – O CEIP de Mesón do Vento ven de conseguir o Selo Europeo de Calidade en innovación co que só contan o 1% dos colexios do continente.
Grazas a un proxecto sobre gastronomía tradicional o centro público de Mesón do Vento inclúese no mapa do exclusivo programa educativo eTwinnig (European Quality Label). O galardon foi acadado polos profesores da sección bilingüe Xela Cuñarro, Rocío Souto e Alexandro Varela grazas ao seu proxecto ‘What are some traditional dishes of your country?’ (Cales son os pratos tradicionais do teu país?) desenvolvido dende a dita plataforma.
Valéndose dun proxector e un ordenador portátil os alumnos e alumnas do centro realizaron un percorrido polo proxecto para amosárllelo a compañeiros e compañeiras, ademais de a pais, nais e profesorado. Un traballo que, en palabras dos embaixadores eTwinning en Galicia, “fai que este centro entre no grupo de centros eTwinning, que a día de hoxe son un 1% en toda Europa”.
Ademais do cadro directivo do colexio, no acto tamén estivo Javier Vázquez, inspector de Educación, e Susana García, concelleira de Educación do Concello de Ordes. A edil amosou o seu orgullo non só polo premio acadado, senón tamén polo colexio e polo traballo realizado por parte das familias, profesorado e os propios nenos e nenas. Tamén ofreceu súa colaboración e a do Departamento de Educación para colocar no mapa europeo o centro a través de proxectos dese tipo”.
