Negreira, 24 de outubro do 2018 – O concello de Negreira ten funcionando desde primeiros de mes un Punto de Información Catastral que facilita o acceso a información da veciñanza.
Os PIC, Puntos de Información Catastral, son oficinas autorizadas pola Dirección Xeral do Catastro. En elas os cidadáns poden acceder a consultas e certificacións de datos catastrais non protexidos. No caso de ser o titular, ou representantes debidamente autorizados, poderán acceder a consultas e certificacións de datos catastrais protexidos e non protexidos relativos aos inmobles dos que sexan propietarios.
Trátase dun servizo de balde que busca dar unha mellor resposta a veciñanza e evitar desprazamentos a outros concellos para conseguir os certificados. O horario de atención ao público é o mesmo que os das oficinas municipais, de 8 a 15 horas, e a oficina está situada no mesmo edificio.