A Estrada, 9 de xullo do 2018 – Hoxe remata a Rapa de Sabucedo, marcada este ano pola dedicatoria a dous aloitadores falecidos recentemente.

Imaxe: Fernando España

Imaxe: Fernando España

Sabucedo viviu desde o xoves unha tradición con 300 anos de historia. A Rapa 2018 remata este luns co Curro Solidario, que destinará a cuarta parte dos beneficios ao Banco de Alimentos de Vigo, e a solta das bestas ás seis da tarde para que volvan ao monte.

Coma sempre o Curro do sábado levou milleiros de persoas a Sabucedo. 1000 entradas vendidas de xeito anticipado e  500 na billeteira, que desapareceron en menos de media hora, encheron o recinto; por fora del, nas árbores, nas polbeiras, nos campings, disfrutaban da festa moitas máis.

O Conselleiro de Cultura, Román Rodríguez, acompañado do Consejero de Educación, Cultura y Deporte del Principado de Asturias, Genaro Alonso; a presidenta da Deputación de Pontevedra, Carmela Silva, ou o alcalde da Estrada, José López Campos, foron algúns dos persoeiros que pasaron pola grada de Sabucedo.

Imaxe: Fernando España

Imaxe: Fernando España

A Rapa levou ao curro 250 bestas, algunhas delas que levaban sen baixar mais de cinco anos e que non llo puxeron fácil aos veciños que tardaron moito máis do previsto en baixalos do monte ao mediodía. O curro comezou coas verbas do presidente da Asociación, Henrique Bazal que falaba do duro que foi este ano co pasamento de varios veciños e de dous aloitadores Juan Carlos Monteagudo “Abuelo” y Juan Carlos Neira “Tatá”, como xa nos contara en Lindeiros o pasado venres.

Xa na area todo funcionou ben ata que a falta de dez minutos un dos aloitadores, Roi Vicente, ao querer apartar unha besta recibiu un tremendo golpe na boca do estómago que o deixaba sen aire e caía ao chan. Por sorte todo quedou nun bo susto e ao día seguinte aloitaba de novo.

Roi Vicente é retirado do curro tras sufrir unha coz no estómago. Imaxe de Fernando España

Ás doce do mediodía de hoxe luns terá lugar o Curro solidario e as seis da tarde soltaranse as bestas no monte co que rematará a edición 2018 de esta Festa Turística Internacional que acreditou en esta ocasión a 205 xornalistas de 13 paises distintos.

Galería, imaxes de Fernando España

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies