Compostela, 18 de abril do 2019 – O dúo de improvisación Flores Rotas estará esta noite nas Crechas a partir das nove e cun prezo a entrada de 5 euros.
Flores rotas Jim Jarmusch inspiration music é un dúo de improvisación, que basa a súa música no imaxinario fílmico do cineasta norteamericano Jim Jarmusch. Non tocan as músicas dos filmes; simplemente, déixanse levar polo que as imaxes, historias, e os propios títulos das películas lles transmiten, dándolle unha nova dimensión á interpretación que fan na linguaxe da improvisación libre, onde case todo é posible para levar á audiencia por unha ruta que vai do branco e negro a cor, do absurdo á poesía.
Flores Rotas son:
Margarida Mariño: violonchelo + electrónica
Pablo “Sax” F. Sinde: saxofóns, percusións + electrónica