Touro, 13 de xuño do 2019 – Son xa doce edicións dun dos festivais mais familiares da primavera, a asociación Sobreiras do Ulla organiza este domingo o Folk in Río 2019.
Ses no Folk in Río, imaxe de arquivo
Todo está preparado para disfrutar unha vez máis dun encontro festeiro na beira do río, na área recreativa de Santaia, con distintas actividades e concertos. Cantos de taberna, feira de artesanía, xogos populares, xantar campestre, animación infantil, maxia e moita troula.
O programa musical ábrese ás once e media polos locais do Forte con cantos de taberna. Estarán os grupos Son do Souto e Muxicas da Silvei de San Fins de Sales; A Brincadeira de Carbia; A Pinguela de Barna; A Ferrina Furtiva de Redondela; Revi, Volta de O Pino; Fiadei de Antas de Ulla; O Gustho do Boi de Lestedo; Sarillo de Aiazo de Frades; Vai Nela de Salgueiros; Arricandeira de Arzúa; Stihl Brothers de Compostela; e UGT, Unión Temporal de Ghaiteiros de A Ulla,
Na sesión vermú estarán as Nenas do Sapo Dourado e continuación comida campestre con polbo e churrasco a prezos populares.
A partir de aqui porán a diversión os Bombos de Santiago Portugal, o Mago Dani, Uxía Lambona e a Banda Molona, Malvela e pechará a cita A Banda da Balbina.
A actividade conta coa colaboración da Deputación da Coruña.
