Ames, 5 de maio do 2018 – A Plataforma N-550 saíu onte a rúa para comezar unha recollida de firmas solicitando o desvío do tráfico pesado do Milladoiro entre outras medidas urxentes que buscan humanizar o núcleo amiense.
Na recollida de firmas que comezou onte participaron membros da Plataforma e representantes de distintos grupos políticos. Mentres uns recollían firmas nunha mesa e informaban sobre as demandas outros percorreron o Milladoiro repartindo dípticos que informan das primeiras demandas do colectivo. Esta iniciativa complementarase nas próximas xornadas con puntos de recollida fixos nos que a veciñanza poda asinar en calquera momento.
A Plataforma manterá en próximas datas unha nova xuntanza para decidir os seguintes pasos. As demandas prioritarias seguen a ser o desvío do tráfico pesado e a colocación de sinais advertindo da lentitude do tráfico.
