займ срочно

O novo de Yann González estrease hoxe en Cineuropa

0

Compostela, 27 de novembro do 2018 –   Unha das propostas máis poderosas do pasado Cannes foi Un couteau dans le coeur / Coitelo e corazón, de Yann González, gran estrea deste martes en Cineuropa.

Unha sucesión de asasinatos cometidos durante a rodaxe dun filme porno gai serve a Yann González para unha fastosa mestizaxe de elementos do giallo de Dario Argento, do cinema de Brian de Palma ou do Antonioni de Blow-Up. O terror de paxaros de pluma de cristal, a imaxe como creación asociada ao sexo, á paixón e á morte ficcionada ou carnal. Unha pantasma da ópera homoerótica e infinitamente libre. A cita coa segunda longametraxe de Yann Gonzalez será ás 22:15 h. no Teatro Principal.

O novo de Christophe Honoré, Plaire, aimer et courir vite, tamén celebrará a súa estrea nesta xornada ás 19:45 h. no Salón Teatro. Para Honoré, a evocación dunha historia de amor condenada á dilución e, con todo, vivida coa intensidade do gozar do momento atopa o seu leito neste excurso aos anos 90. Unha relación homosexual e a sida soa como referente cronolóxico de algo que é como un eco do pasado e dun futuro incerto. Sobre esa sensible estrutura reafírmase, sen medo o kitsch, esta crónica de pobres amantes, condenados pola ferida do tempo.

Hoxe tamén dáse a oportunidade de gozar novamente de filmes como Obra sen autor, de Florian Henckel, programada ás 22:15 h. no Salón Teatro, que foi valorada cun 8,55 polo público deste festival no seu primeiro pase; A casa de verán, de Valeria Bruni Tedeschi (que se poderá ver ás 17:30 h. no mesmo Salón Teatro); a belísima película en lingua aimará Wiñaypacha, de Oscar Catacora (Salón Teatro ás 16 h.); o nihilista retorno de Érick Zonca Fleuve noir (ás 20 h. no Teatro Principal); ou mesmo a oportunidade de gozar en pantalla grande dese clásico de Kubrick, filme provocador por excelencia, que é A laranza mecánica (cuxa proxección dará comezo a medianoite no Principal).

O ciclo retrospectivo de 100 anos de cine romanés realizado grazas á colaboración do Instituto Cultural Romanés de Madrid, botará o seu peche esta xornada coa proxección de Occidente, de Cristian Mungiu (que se poderá ver ás 19:45 h. nos Multicines Compostela); Fútbol Infinito, de Corneliu Porumboiu, e O fillo máis amado da terra, de Șerban Marinescu, ambos os dous filmes, estes últimos, programados en Numax ás 21 h e 22:15 h. respectivamente.

Este martes, e tamén en Numax, teremos unha última oportunidade ás 17:30 h. de asistir á exhibición dunha das apostas programáticas desta edición: Mulleres experimentalistas de América Latina, un programa composto de nove curtas realizadas por diferentes autoras e que, segundo a curadora e restauradora uruguaia Ángela Ruiz, “é abordado desde unha perspectiva feminista decolonial que procura indagar nos posibles desbordes e implicacións epistémicas dos termos “muller latinoamericana” e “artista latina”, para compoñer un mapa de empatías conceptuais, estratexias coincidentes e redes afectivas que traspasaron barreiras xeopolíticas e apostaron pola subversión do canon modernista”.

PROGRAMACIÓN CINEUROPA MARTES 27

TEATRO PRINCIPAL

16:15 COINCOIN ET LES Z’INHUMAINS / COINCOIN CONTRA OS EXTRATERRESTRES Bruno Dumont

20:00 FLEUVE NOIR Érick Zonca

22:15 UN COUTEAU DANS LE COEUR / COITELO E CORAZÓN Yann Gonzalez

00:00 A CLOCKWORK ORANGE / A LARANXA MECÁNICA* Stanley Kubrick

SALÓN TEATRO

16:00 WIÑAYPACHA / ETERNIDADE Oscar Catacora

17:30 LES ESTIVANTS / A CASA DE VERÁN Valeria Bruni Tedeschi

19:45 PLAIRE, AIMER ET COURIR VITE / SORRY ANGEL Christophe Honoré

22:15 NEVER LOOK AWAY / OBRA SEN AUTOR Florian Henckel von Donnersmarck

MULTICINES COMPOSTELA (SALA 2)

17:45 NEVILLE D’ALMEIDA: CRONISTA DA BELEZA E DO CAOS Mario Abbade

19:45 OCCIDENT / OCCIDENTE Cristian Mungiu

21:45 ME SIENTO EXTRAÑA* Enrique Martí Maqueda

MULTICINES COMPOSTELA (SALA B)

22:00 JE SUIS À PRENDRE* Francis Leroi

CINEMA NUMAX

17:30 MULLERES EXPERIMENTALISTAS DE AMÉRICA LATINA

19:15 L’EMPIRE DE LA PERFECTION / BUSCANDO A PERFECCIÓN Julien Faraut

21:00 FOTBAL INFINIT / FÚTBOL INFINITO Corneliu Porumboiu

22:15 CEL MAI IUBIT DINTRE PĂMÂNTENI / O FILLO MÁIS AMADO DA TERRA Șerban Marinescu

SALA AGUSTÍN MAGÁN (CC. SANTA MARTA)

16:00 L’ULTIMO PULCINELLA* Maurizio Scaparro

17:45 UN CHANT D’AMOUR* Jean Genet + SUDDENLY, LAST SUMMER / DE SÚBITO, O ÚLTIMO VERÁN* Joseph L. Mankiewicz

20:15 SEDMIKRÁSKY / AS MARGARIDAS* Vera Chytilová

Nota: as películas marcadas cun asterisco son de entrada libre.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies