O Observatorio Astronómico Ramón María Aller da USC abre este sábado en Lalín dúas exposicións

0

Lalín, 8 de marzo do 2019 –  O Observatorio Astronómico Ramón María Aller da USC (OARMA) inaugura este sábado 9 en Lalín dúas exposicións enmarcadas no programa TODOCOSMOS desenvolvido co financiamento da Fundación Española para la Ciencia y la Tecnología (Fecyt). Están comisariadas polo profesor José Ángel Docobo e como colaboradores, Pedro Pablo Campo Díaz e José Ramón González Romay.

Coas mostras, que se inaugurarán ás 20.30 horas no Museo Ramón María Aller e que permanecerán expostas ata o 31 de marzo, conmemóranse varias efemérides. Por unha banda, na exposición ’50 aniversario da chegada do home á Lúa’ que estará no Auditorio de Lalín preténdese chegar a todos os públicos mostrando desde os inicios da astronáutica ata as misións espaciais actuais e os proxectos de futuro. Así, dá conta dos principais logros das distintas axencias espaciais, incluíndo as misións de carácter astronómico, as diferentes viaxes non tripuladas a Marte e o descubrimento de auga neste  planeta, o reciente alunizaxe na cara oculta da Lúa, etc.

Xa na Casa Museo Municipal de Lalín permanecerá a mostra que conmemora o 75 aniversario do OARMA e a recuperación das instalación astronómicas do Padre Aller en Lalín. Como poderá observarse, a investigación astronómica en Galicia da man de Ramón María Aller iniciouse en Lalín a comezos do pasado século.

A exemplar produción científica do matemático e astrónomo na súa vila  natal (observacións de multitude de fenómenos, edición de libros, artigos en revistas profesionais, deseño de instrumentación, creación dun observatorio, etc.) chamou a atención tanto da Universidade como do CSIC, de tal xeito que en 1943-44 se produciu o traslado de toda a súa instrumentación e biblioteca ao novo Observatorio universitario.

Con esta mostra  quérese poñer en valor a extraordinaria bagaxe investigadora, académica e divulgativa do Observatorio nestes últimos 75 anos, ao tempo que busca lembrar as súas orixes en Lalín, cuxo observatorio foi recuperado en 2011.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial