Compostela, 16 de setembro do 2018 – A entrada no outono está marcada na axenda de moita xente por un dos mellores festivais de música negra da península, o outono en Compostela é tempo de Códax Festival.
Rolda de prensa da edición 2018
O Outono Códax Festival chega a súa edicións cheo de frases repetidas non por iso menos certas. Unha cita máis que consolidada, chea de calidade, que sempre sorprende e que, o máis incrible, faino de xeito privado. Nunha etapa na que as administracións apoian, incluso, propostas para públicos moi minoritarios o Outono acada cada ano maior repercusión. O patrocinio de Bodegas Martín Códax e a colaboración de Pousadas de Compostela xunto con máis de cen pequenos locais e comercios da cidade fan posible este milagre.
Responsables de Raiña Producións e Bodegas Martín Códax na presentación
A edición 2018 será unha vez máis unha boa oportunidade para descubrir e disfrutar de artistas consolidados con outros que son a punta de lanza de novas xeracións. The Tibbs chega por primeira vez a Galicia coa incrible voz de Elsa Bekman á fronte. Marta Ren, acompañada dos seus The Groovelvets, aterra no Outono Códax como unha das frontwoman máis destacadas da actual escena europea. A que é considerada unha das mellores bandas de swing do mundo, Natty Congeroo&The Flames of Rhythm, e a nova promesa do soul británico, aínda que de orixe burundés, J.P. Bimeni, protagonizarán un único e excepcional concerto. Os carismáticos The Rad Trads (Nueva York), a fulgurante Marem Ladson (Ourense) e o xenial Luke Winslow King (Nova Orleans) tamén se incorporan ao cartaz de esta edición. Shirley Davis (Shirley Davis&The Silverbacks), Astrid Jones (Astrid Jones&The Blue Flaps), Mayka Edjole (The Sweet Vandals) e Juno (Juno&Darrel) homenaxearán á raíña do soul, Aretha Franklin, nunha actuación conxunta que botará o peche ao festival cando xa sexa Nadal.
Descarga o programa por días outono codax 2018
Como é habitual, o festival galego de música negra completará a súa proposta musical con distintas actividades paralelas polo que, fiel á súa filosofía, nesta edición inclúe na súa programación a expo TRASH, do debuxante e deseñador gráfico Roberto Argüelles. Da man de Fiambrera Art Gallery, Argüelles (Vigo, 1972) achegará a Compostela unha mostra do seu Trash, un conxunto de pezas nas que recolle as súas influencias máis recoñecibles: os debuxos de Tex Avery e Hanna-Barbera, os cómics clásicos de Marvel, á ciencia ficción xaponesa dos anos 60, ás pin-ups e as bailarinas de burlesque, o rock and roll e o punk. Na Reixa-Matrioska Tenda, do 2 ao 30 de novembro.
Ademais, no marco do Outono Códax tamén se celebrará unha pequena feira de discos que incluirá unha charla-coloquio, con nova sesión out sorpresa, así como unha exhibición de baile, a cargo de Compostela Swing; todo, ao longo do sábado, 24 de novembro.
[ngg_images source=”galleries” container_ids=”58″ display_type=”photocrati-nextgen_basic_slideshow” gallery_width=”800″ gallery_height=”600″ cycle_effect=”fade” cycle_interval=”4″ show_thumbnail_link=”0″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
Entradas, bono e rock´nporte
As entradas do Outono Códax 2018 terán un prezo de 20 euros (+gastos) en venda anticipada e 24 euros en taquilla, se ben o festival ofrece un abono para todos os concertos por 40 euros (+gastos, en venda anticipada en setembro) e 48 euros (+gastos, a partir do 1 de outubro). O público interesado en adquirir as súas entradas en venda anticipada poderá facelo xa en: A Reixa Tenda (Santiago), Honky Tonk e Discos Elepe (Vigo), Discos Portobello (A Coruña), Peggy Records (Ourense) e a través das plataformas electrónicas www.ataquilla.com, www.ticketea.com e www.salacapitol.com
(as e os menores de idade poderán acceder ao ciclo acompañados dunha persoa adulta).
De igual xeito, e como nas súas anteriores edicións, o Outono Códax porá en circulación o denominado “Rock´nporte”, un “pasaporte” directo e gratuíto aos concertos para aquelas persoas que realicen consumicións ou compras nos case 100 establecementos hostaleiros e comerciais que colaboran co festival.
[ngg_images source=”galleries” container_ids=”57″ display_type=”photocrati-nextgen_basic_slideshow” gallery_width=”800″ gallery_height=”600″ cycle_effect=”fade” cycle_interval=”4″ show_thumbnail_link=”0″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
