A parcelaria do Pino, que acumula 19 anos de atraso, chega ao Parlamento

0

O Pino, 10 de outubro do 2019 – O Partido Socialista leva ao Parlamento de Galicia a concentración parcelaria de Gonzar e o inicio da de Arca e Pereira, no concello de O Pino, que acumula un atraso de 19 anos.

O portavoz de Agricultura do Grupo Socialista, Óscar Vilar, vén de presentar unha serie de iniciativas parlamentarias para reclamarlle á Xunta o desbloqueo do proceso de concentración parcelaria da parroquia de Gonzar, no Concello de O Pino, iniciado no ano 2000, coas súas bases publicadas dende 2009 pero paralizado dende entón. Tamén reclama o inicio do proceso nas parroquias de Arca e Pereira.

A concentración parcelaria da zona coñecida como Gonzar II afecta a 900 hectáreas, na parroquia do mesmo nome, que contan cun total de 7.853 parcelas. A situación do proceso, paralizado dende que en 2009 foran aprobadas e publicadas as bases definitivas, impídelle aos propietarios explotar de maneira eficiente os seus recursos forestais.

Vilar sinala que este retraso está a provocar “unha considerable diminución da capacidade produtiva da terra”, xa que a dificultade de acceso aos predios “entorpece e mesmo imposibilita o tránsito da maquinaria, deixando moitas fincas en estado de abandono, que deriva á súa vez no aumento da biomasa forestal e do conseguinte risco de incendios”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial