O Pino, 2 de setembro do 2020 – O Psoe do Pino ven de reclamar uunha liña de axudas municipal que axude a reducir os gastos da vola ao colexio das familias máis vulnerables.
Según o voceiro socialista, oscar Vilar, “atopámonos no mes de setembro, mes que se caracteriza polo mes da volta ao colexio e por un gasto extraordinario para todas as familias con fillos e fillas en idade escolar, que este ano aumentará co gasto en compras de material de protección como máscaras; xeles hidroalcohólicos; dispositivos de medición de temperaturas”.
O socialista lembra que “a crise afecta de cheo ao mercado laboral e os sectores que máis sofren este forte impacto económico son os vinculados coa hostalería e comercio, que, xunto o da industria son os sectores que empregan a poboación máis vulnerable”, engade.
O PSOE pide esta liña de axudas co fin de sufragar gastos na compra de libros de texto, material escolar, medios informáticos, material dixital, ou ben material de protección como máscaras; xeles hidroalcohólicos; dispositivos de medición de temperaturas, etcétera.
A elaboración das bases reguladoras, consideran os socialistas, debe ser a través de distintas mesas de traballos con representación de todos os grupos da corporación, “co obxecto de non deixar a ninguén atrás e contar coas achegas de todos e de todas”.