Trazo, 11 de xullo do 2017 – O Psoe de Trazo denuncia nas redes sociais a convocatoria de Xuntas de goberno fora do acordado no regulamento de organización do concello e o gasto que supón.
Según o regulamento aprobado ao principio da lexislatura as reunións de estas xuntas deberían celebrarse en venres alternos sempre que fose necesario. O Psoe decatouse do uso que José Dafonte fai das xuntas de goberno ao recibir as actas de febreiro e marzo. Estas actas desvelan que as xuntas de goberno celébranse noutros días por semana e as veces de xeito consecutivo e pon como exemplo as seguintes
23 de febreiro (xoves): aprobación de facturas e licenzas
8 de marzo (mércores): modificación de proxecto
9 de marzo (xoves): aprobación de facturas
17 de marzo (venres): aprobación de facturas
Según o Psoe o custo de cada Xunta de goberno para o concello e de 450 euros en gastos de asistencia dos 3 concelleiros que a forman, por iso non entenden a necesidade de celebrar dous días seguidos Xuntas de goberno dándose ademais a circunstancia de que ningún deles era venres.
Pero ademais o Psoe denuncia que as facturas aprobadas en esas Xuntas de goberno corresponden a servizos prestados ata tres meses atrás o que explica que según os datos de Facenda o concello incumpra os prazos legais de pago. O Psoe di non entender como si se fan Xuntas de goberno semanais non se leva o pago de facturas ao día.