O Santiago Futsal lévase o derbi ante o Noia en Santa Isabel

0

Compostela, 4 de febreiro do 2019 – O Santiago Futsal levouse o derbi ante o Noia Portus Apostoli en Santa Isabel cun contundente 4 a 0. Os de Santi Valladares suman tres puntos máis e colócanse na metade da táboa.

A primeira parte do derbi estivo repartida en ocasións e en xogo para ambos os contendentes e foise ao descanso cun 0-0. Os dous equipos loitaron cada balón coma se fose o último, conscientes do que se xogaban, pero o gol non chegou grazas á gran actuación dos dous porteiros.

Co inicio da segunda parte, o equipo de Santi Valladares sacou as súas armas para relucir, tanto no técnico como no táctico. O primeiro gol foi obra de  Christian Chao, tras un disparo cruzado desde fóra da área. Os visitantes non se botaron atrás, pero  Brian puxo distancia no marcador cun gran disparo a media altura.

A continuación o Noia sacou ao seu quinto home, pero a gran defensa proposta polo Santiago  Futsal conseguiu non só non encaixar ningún gol, se non marcar dous desde longa  ditancia grazas á súa intensidade defensiva a través de  Christian Chao e  Zequi.

En declaracións posteriores ao encontro, o adestrador visitante admitiu a progresión do Santiago  Futsal ao longo da tempada, as ganas coas que afrontaron o partido e lamentou as ocasións desperdiciadas polos seus.

Pola súa banda, Santi Valladares mostrouse feliz co rendemento, a disciplina e a madurez do seu equipo. Noutras declaracións tamén dixo que “A dinámica dos resultados é moi positiva” e que “imos seguir traballando como o viñamos facendo”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial