Son do Obra, concerto benéfico para inaugurar a tempada

0

Compostela, 21 de setembro do 2017 – O Monbus Obradoiro organiza, xunto á Fundación Heracles, o concerto benéfico Son do Obra para inaugurar a tempada acompañado de toda a súa afección.

Este venres día 22, ás 20:45 horas, o hall principal do Palacio de Congresos de Santiago acollerá Son do Obra coa finalidade de recadar fondos para a

Fundación Andrea (de apoio aos nenos con enfermidades de longa duración,

crónicas ou terminais), á Fundación Down Compostela (Fundación Síndrome de Down) e a Asanog (Asociación de Axuda a Nenos Oncolóxicos de Galicia).

Este concerto servirá tamén para presentar de maneira individual a todos os integrantes do persoal obradoirista desta tempada. En total serán tres grupos musicais e dous monologuistas os que amenizarán a noite a toda a afección. O cantautor santiagués e a súa banda, Jorge Casal e Os Cans de Ninguén, inaugurarán o escenario de Son do Obra deleitando aos presentes cos seus

temas. O humorista Pepo Suevos encargarase de sacar a relucir os sorrisos de todos os asistentes antes de continuar coa seguinte actuación, momento no que se subirán ao escenario as Tanxugueiras coas súas pandeiretas para facer mover ao público. O monologuista Víctor Fábregas continuará co toque humorista entre concerto e concerto para dar paso, a continuación, ao grupo de pandereteiros e músicos de folclore galego, Dávos porfía, entre outras sorpresas.

O prezo das entradas para este concerto será de 5€ fóra dos abonados, que poderán retirar dúas invitacións gratis (ata completar aforamento) nas oficinas do club ou na tenda oficial Tiro Libre Scq, presentando o DNI ou o resgardo do abono. Aqueles que non poidan retiralas en persoa poderán reservalas enviando un correo electrónico cos seus datos a abonados@obradoirocab.com.

As entradas están á venda ademais de nas oficinas do club e en Tiro Libre, nas oficinas de Down Compostela (Rúa de Alejandro Novo González, 1), Fundación Andrea (Rúa de Ferrol, 2) e Asanog (Avenida Quiroga Palacios, 54).

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial