O  Monbus Obradoiro cae en Murcia (80-58)

0

Compostela, 19 de novembro do 2018 – O  Monbus Obradoiro non consegue frear ao  UCAM Murcia na súa pista ao perder a batalla do rebote ofensivo (80-58).

Os  obradoiristas recuperan a Ben  Simons en Murcia

O encontro comezou coa boa noticia de poder ver a Ben  Simons de novo en acción co seu equipo tras recuperarse da escordadura no ligamento lateral do seu xeonllo dereito. A pesar do golpe recibido no ollo o pasado sábado, Pepe Pozas tamén tivo minutos no encontro e  Maxime de  Zeeuw tamén puido axudar ao equipo ao recuperarse das súas molestias no xeonllo.

Kostas  Vasileiadis,  enchufado

A igualdade mantívose durante todo o primeiro cuarto, no que ambos os equipos intercambiábanse  canastras pero ningún conseguía vantaxe. Destacaba  Kostas Vasileiadis entre os  obradoiristas, que saíu moi concentrado e  enchufado desde o primeiro minuto.  Kostas mantiña ao seu equipo no partido grazas ao seu acerto desde a liña de 6,75 e terminando o partido como máximo anotador (17 puntos).

Dominio murciano

Chegou o segundo cuarto e o  Monbus Obradoiro atascouse en ataque. A superioridade física en ataque e defensa dos de Javier Juárez fixo que os  obradoiristas non conseguisen atacar con comodidade e abriron unha brecha no marcador difícil de recortar (41-29 ao descanso).

Achegamento, tirando de carácter

A pesar desta diferenza, o  Monbus Obradoiro, con David Navarro ao mando, tirou de carácter e pelexou cada balón en cada ataque e defensa, conseguindo recortar a distancia no electrónico a 48-44 tras un triplo, de novo, de  Vasileiadis.

Falta de acerto

Non se puxo nervioso o  UCAM Murcia e, tras un parcial de 14-2, volveu sentirse cómodo e con vantaxe sobre os  obradoiristas, con triplos de  Rudez e  Urtasun que aumentaron a diferenza a 16 puntos. Tentábano os obradoiristas pero penalizáballes a falta de acerto desde 6,75. Só un xogador  obradoirista,  Kostas  Vasileiadis, foi capaz de anotar desde a liña de triplo.

A defensa murciana permitiu tirar desde esa distancia aos  obradoiristas pero varios triplos de  Simons,  Obst ou David non entraron a pesar de estar ben tirados. O desacerto minou animicamente aos  obradoiristas, que viron como a distancia no marcador aumentaba.

Perdida a batalla do rebote ofensivo

Se algo sabían os de Moncho Fernández era que tiñan que facer un duro traballo no rebote, pero o  UCAM  Murcia gañou esta batalla. Fixeron moito dano no rebote en ataque, sendo capaces despois de convertelo en puntos. Os de  Javi Juárez capturaron 41 rebotes en total (27 defensivos e 14 ofensivos) fronte aos 28 dos obradoiristas (22 defensivos e 6 ofensivos).

O  Monbus  Oradoiro regresará a Santiago de Compostela para preparar o partido da próxima xornada, na  Caldeira  do Sar ante a súa afección, o vindeiro domingo, ás 17:00 horas, recibindo ao  Kirolbet  Baskonia.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial