Ordes, 26 de marzo do 2020 – O BNG de Ordes ven de propoñer a cancelación, durante os meses de marzo e abril de distintas recibos e tributos que dependen directamente do concello.
Os nacionalistas propoñen a anulación dos recibos das terrazas, postos de feira e praza de abastos.
Do mesmo xeito, proponse estender esta medida aos cursos e ás cotas de carné mensual ou de tempada da piscina climatizada e do ximnasio municipal, así como a calquera actividade que se vise suspendida por mor do Coronavirus.
Finalmente, desde o bloque fpiden eximir do pagamento da cota tributaria polo abastecemento de auga, recollida de lixo e prestación de servizos de sumidoiros e depuración, a aqueles locais que tivesen que suspender a súa actividade por mor da pandemia.
Pablo Vidal, portavoz do BNG de Ordes, expón que “por responsabilidade, desde o primeiro momento tendemos a man ao goberno municipal para afrontar esta ameaza, e nesa actitude seguiremos a traballar formulando propostas de actuación”.
Xa o 15 de marzo o BNG propuxera suspender a actividade política municipal e a localización por parte do concello de aqueles casos de xente maior que vivise soa e puidese precisar de axuda para mercar alimentos e medicamentos, poñendo á súa disposición recursos municipais para esta finalidade.
