Ordes asina convenios coas entidades deportivas por máis de 48.000 euros

0

Ordes, 29 de setembro do 2017 – O vindeiro sábado, 30 de setembro, o Concello de Ordes asinará os convenios e acordos con diversas entidades deportivas, asociacións e clubs do municipio.

O goberno municipal destinará as entidades deportivas máis de 48.000 euros para o seu mantemento e de cara á promoción do deporte.

Serán a S.D. Club Órdenes, a A.C. Ordes e o Jogafán F.S. cos que se formalizará o contrato para continuar coa súa actividade como escolas municipais de fútbol, hóckey e fútbol sala respectivamente. Tamén participarán o Club Patinaxe Galia, a Asociación Deportiva de Taekwondistas da Comarca de Ordes (ADTCO), a S.D. Santa Cruz de Montaos e A.D. Vila de Ordes.

O acto de asinamento terá lugar durante a mañá no salón de plenos do antigo consistorio, e a el asistirán os principais representantes de cada unha destas entidades, ademais do alcalde e a concelleira de Deportes do Concello de Ordes, José Luis Martínez Sanjurjo e Ana Soneira.

Cómpre sinalar que a política en prol do deporte local pasa tamén pola concesión de subvencións nominativas a determinados deportistas locais con resultados destacables e notorios nas súas modalidades. Unha medida implantada polo Goberno de Martínez Sanjurjo, quen recentemente manifestou a súa predisposición a “designalas e entregalas o antes posible, unha vez aprobados definitivamente o orzamentos locais”.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies