Silleda, 21 de febreiro do 2017 – Dende onte luns e ata o próximo venres a figura de Rosalía de Castro será protagonista en Silleda a través dos seus versos.
Dende a Concellería de Cultura elaboráronse carteis conmemorativos cos poemas seleccionados polos centros educativos do municipio, carteis que estarán durante toda esta semana en máis dunha vintena de establecementos comerciais e nos edificios públicos.
Dende a Concellería de Cultura de Silleda agradécese a participación dos colexios nesta iniciativa que baixo o lema “Poemas na rúa” volve a render homenaxe a Rosalía de Castro , a autora de Follas Novas, no 180 aniversario do seu nacemento.