Oroso, 10 de outubro do 2019 – O concello de Oroso e ASANOG, Axuda a Nenos Oncolóxicos de Galicia, organizan este domingo unha andaina solidaria para recadar fondos.
ASANOG é unha asociación sen ánimo de lucro que naceu en 2012 a iniciativa dun grupo de familias cun denominador común, ter un fillo enfermo de cancro, e co obxectivo de contribuír no ámbito de Galicia ao mellor estado dos nenos oncolóxicos e as súas familia.
O mesmo día recolleranse donativos. Haberá auga e froita na metade do camiño e o Deportivo da Coruña aporta unha camiseta firmada polos xogadores para sortear.
A saída será as dez e media da mañá da praza Isaac Díaz Pardo e terá un percorrido de 5 kilómetros. As inscricións están abertas no 981927901 e no correo deportes@oroso.gal.
Equip@te, Eco, Sousas, ImaxSon, Xardein Senra e Supermercados Familia colaboran tamén con esta causa.