Oroso, 18 de agosto do 2018 – O concello de Oroso ven de por en marcha colonias felinas para asegurar o benestar dos gatos que viven na rúa de forma incontrolada.
Na sociedade actual existe un clamor crecente en contra do maltrato animal e a favor do desenvolvemento de políticas proteccionistas. A Lei de Protección dos Animais vixente conleva un incremento das penas contra os maltratadores e promove a creación de colonias felinas controladas nos concellos. Oroso aplicará nos gatos incontrolados o método CES (captura, esterilización e solta) que como explica o alcalde Manuel Mirás “É o máis eficaz para garantir a protección e a dignidade duns animais sans e saneados”.
Os voluntarios de Protección Civil e o grupo de goberno instalou catro casetas nas zonas de concentración de gatos, que harmonizan co entorno e permiten colocar no seu interior comida, composta por penso seco. Deste xeito a comida mantense seca e limpa evitando o efecto antiestético dos recipientes diseminados. As casetas conseguen fidelizar aos animais cun entorno seguro onde se atopan protexidos, o que favorece a súa captura paulatina, ao non ter medo a ser esterilizados. “O obxectivo final das casetas e do método CES é dotar aos gatos de identidade, vacinalos, desparasitalos e marcarlles as orellas para que se identifiquen como animais esterilizados, sans e controlados”, engade Mirás, que agradece “a colaboración e o control que fará Protección Civil”.
Para as doazóns de alimentos (O idóneo é penso seco) poden chamar a Protección Civil (698 169443).