Oroso, 25 de xaneiro do 2020 – O concello de Oroso achegouse a Fitur para promocionar o Camiño Inglés e o patrimonio natural do concello.
O alcalde de Oroso, Manuel Mirás, e o concelleiro de Turismo e deputado provincial, Antonio Leira, participaron nos actos do Día de Galicia en Fitur e mantiveron reunións traballo con representantes do Concello de Madrid e da Casa de Galicia.
Oroso é un dos grandes impulsores do Camiño Inglés. O alcalde Manuel Mirás é o actual presidente da Asociación de concellos polos que transcorre. Hai interese por parte do Concello de Madrid pola promoción da ruta xacobea e incluso por acoller algunha das actividades de “Primaveira no Camiño”.
Por outra parte, Mirás e Leira mantiveron varias reunións con diferentes touroperadores turísticos, interesados polo potencial histórico e de natureza de Oroso, ademais de pedir información sobre eventos como a Festa da Troita.
“Cada ano son máis as entidades e persoas interesadas en Fitur polos atractivos paisaxísticos, patrimoniais e culturaís que temos en Oroso”, asegura Mirás. “Temos un concello que hoxe en día está no mapa turístico pola súa gastronomía e a natureza”, engade o alcalde.