Oroso, 22 de febreiro do 2021 – O concello de Oroso rematou o ano 2020 cun remanente de tesourería de 1.313.367 euros e con intención de acometer rebaixas fiscais.
Os bos resultados acadados na xestión financeira do 2020 permitirá aplicar no presente exercicio distintas medidas e exencións fiscais. A rebaixa no IBI e no recibo do lixo e unha bonificación dun 60% no imposto de vehículos de tracción mecánica, para os automóbiles eléctricos e híbridos, son algunhas das que beneficiarán á veciñanza de Oroso.
Tamén haberá unha bonificación de ata un 75% no imposto sobre o incremento de valor dos terreos de natureza urbana a título lucrativo por causa de morte a favor de descendentes e cónxuxes. Todas estas medidas fiscais terán un impacto superior aos 200.000 euros.
Outras medidas de apoio
Á marxe das axudas, desde o pasado mes de marzo o concello tomou medidas como o reparto gratuíto de máis de 22.000 máscaras e material EPI (hidroxel e luvas), ou a desinfección do centro de saúde, os espazos públicos e os arredores dos establecementos esenciais, que supuxeron un investimento por parte do concello de máis de 125.000 euros.
O gasto do Concello de Oroso entre medidas directas, axudas, o Plan Reactiva e outras bonificacións supera os 230.000 euros desde o comezo da pandemia.
O alcalde de Oroso, Manuel Mirás, destaca que “os datos amosan a fortaleza económica das arcas municipais e a xestión responsable por parte do noso grupo de goberno, a próxima semana daremos a coñecer os orzamentos para o ano 2021”.
