Oroso da un paso cara a conciliación familiar

0

Oroso, 22 de maio do 2020 – Oroso da un paso adiante na procura da conciliación familiar e dará un servizo gratuíto aos pais que deban incorporarse presencialmente ao seu posto de traballo e non poidan coidar dos seus fillos.

A decisión aprobouse na reunión telemática mantida por tódolos portavoces municipais e na que, ademais da conciliación familiar, revisáronse as medidas establecidas pola crise do Coronavirus.

Oroso leva investidos 73.400 euros en material de protección e limpeza para o comercio e a cidadanía en xeral. O concello destinou ademais 44.000 euros a Servizos Sociais, un departamento que se reforzará coa contratación dun novo administrativo durante o tempo que dure a pandemia. Haberá tamén unha ampliación da subvención a Protección Civil para o desenvolvemento de diferentes tarefas de axuda.

Con respecto ás medidas económicas e fiscais, Oroso estudará exencións nas taxas de lixo, auga e IBI para os sectores máis afectados pola crise sanitaria.

Oroso da un paso cara a conciliación familiarPromoción do Comercio e a hostalería

Haberá ademais unha campaña de promoción do comercio e a hostalería local. A finais de verán, analizarase a posibilidade de recuperar algúns dos eventos cancelados e hai outras iniciativas en estudo, como unha plataforma de promoción para os establecementos do municipio.

O POS para gasto corrente

Por último, o concello destinará os 150.000 euros do plan adicional do POS da Deputación a gasto corrente. “É a primeira vez que Oroso destinará unha partida do plan único a gasto corrente, pero somos conscientes das necesidades derivadas da pandemia e consideramos axeitado facelo”, explica o alcalde Manuel Mirás.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial