займ срочно

Os sancionados do IES do Milladoiro farán traballos comunitarios para Ames

0

Ames, 22 de decembro do 2016.- O alcalde de Ames, José Miñones, e maila concelleira de Servizos Sociais e Igualdade, Luísa Feijóo, achegáronse ata o IES do Milladoiro para asinar co director deste instituto, Víctor Santidrián, un acordo de colaboración experimental, que consistirá en atender ao alumnado que incorra reiteradamente en condutas disruptivas e/ou ao que se vexa privado temporalmente do seu dereito de asistencia ao centro, como consecuencia da aplicación dunha sanción.

Deste xeito, dito alumnado poderá realizar traballos para a comunidade nas dependencias municipais co obxectivo de atender ás necesidades da cidadanía, baixo a consideración de actividades formativas. Este proxecto, que é unha proba piloto, articúlase como unha colaboración conxunta entre ambas as entidades.

Desde o IES do Milladoiro enténdese a educación como un proceso no que debe estar involucrada toda a sociedade e as súas institucións, en especial, a da localidade na que o centro desenvolve o seu labor. Por este motivo, no curso 2015/2016 creouse a Rede do IES do Milladoiro como punto de encontro das institucións e organizacións coas que colabora o centro, entre as que a participación do Concello de Ames é fundamental. Seguindo esta premisa, ambas institucións acaban de chegar a un acordo para levar a cabo un programa experimental (unha proba piloto), a través do cal se vai a tratar de que o alumnado que sexa sancionado poida realizar traballos comunitarios nas dependencias municipais.

Deste xeito, o alumnado que incorra reiteradamente en condutas disruptivas e/ou o que se vexa privado temporalmente do seu dereito de asistencia ao centro como consecuencia da aplicación dunha sanción (artigo 19 da Lei de convivencia e artigo 24 do referido Decreto 8/2015), terá que realizar traballos para a comunidade nas dependencias do Concello para atender ás necesidades da cidadanía. Ditos traballos terán sempre unha consideración de actividades formativas.

O Concello de Ames proporcionaralle ao IES do Milladoiro unha relación coas dependencias e actividades dispoñibles para que o alumnado sancionado realice traballos, a modo de actividades formativas, para a comunidade. Estes traballos non poderán supor relación laboral algunha nin tampouco risco físico ou psicolóxico para o/a alumno/a sancionado. Asemade, dende o Concello ofrecerase información relativa ao departamento (persoas responsables) onde o alumnado realizará ditos traballos, así como das actividades que terá que desenvolver.

O IES do Milladoiro será o encargado de proporlle ao Concello o nome da persoa e a duración da sanción durante a que o/a sancionado/a realizará traballos para a comunidade. Entre ambas partes, e baixo ás indicacións dos técnicos de Servizos Sociais (mediador intercultural e educadora familiar), en función da sanción e o perfil do alumno/a, acordarase a actividade a realizar. Esta medida desenvolveranse preferentemente durante a xornada lectiva aínda que de ser o caso, tamén podería ser fóra de horario lectivo. Durante o tempo de cumprimento da sanción, o Concello de Ames custodiará á persoa sancionada, pero será o pai/nai/titor legal, quen asumirá as responsabilidades que da actuación do/da alumno/a se deriven.

Seguimento do alumno/a

Por outra banda, durante o período da sanción haberá un seguimento do alumno/a por parte do Concello de Ames, que lle remitirá ao IES do Milladoiro un informe final coa valoración do traballo realizado polo alumno/a sancionado/a. O alumno/a tamén terá que facer unha valoración sobre o que supuxo para el ou ela o desenvolvemento desta actividade. Este proxecto articúlase como unha colaboración conxunta entre ambas as entidades.

O alcalde de Ames, José Miñones, agradece “a labor que dende o IES do Milladoiro se está a facer na procura de atopar solucións aos problemas do alumnado. Sabemos as dificultades que isto pode ter, pero esperamos que coa colaboración de todos esta nova iniciativa poida ter o éxito agardado”.

A concelleira de Servizos Sociais e Igualdade, Luísa Feijóo, destacou que “con este proxecto pretendemos que o alumnado que participe del, adquira una adecuada interiorización do reproche social sobre a súa conduta e das consecuencias da mesma, que redundarán nunha mellor integración na comunidade educativa e con elo no desenvolvemento das actividades do centro”.

O director do IES do Milladoiro, Víctor Santidrián, explica “que se trata dun proxecto piloto. Temos casos puntuais de alumnos/as con condutas complicadas e a norma contempla que a máxima sanción que se lle pode aplicar é a da expulsión. Consideramos que está non é a sanción máis axeitada e pensamos que hai que buscar unha alternativa máis educativa para que estes alumnos/as se enfronten a outras realidades. Pensamos que enfrontarse a outras realidades pode ser educativo e para que este alumnado poida reflexionar sobre a súa conduta. Isto que é un proxecto experimental só pode realizarse se a familia do alumno/a está de acordo”.

Rede do IES do Milladoiro

Por outra banda, o IES do Milladoiro está levando a cabo reunións trimestrais nas que participan diferentes entidades e asociacións (CEP de Ventín, EEI do Milladoiro, Garda Civil, inspección educativa, asociación e empresariais, Igaxes 3, Concello de Ames, etc), para poñer en común os proxectos que cada unha desta entidades está desenvolvendo. A última xuntanza da Rede do IES do Milladoiro tivo lugar o pasado 2 de decembro.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies