Compostela, 5 de novembro do 2018 – Pleno de vitorias para os equipos sénior do Santiago Rugby Club que afianzan as boas sensacións das últimas xornadas.
Se ata agora todo eran boas sensacións pero sen materializarse nos resultados, o desta xornada tanto para o equipo feminino como para o masculino do Santiago Rugby foi un golpe na mesa e un toque de atención para o resto de equipos.
Mentres o feminino daba a sorpresa nas terras do Deza ao impoñerse ao equipo de Lalín por un traballado 10 a 17; o masculino asinaba unha épica remontada impoñéndose no último suspiro cun 24 a 25 en terras do Lerez e ante o actual líder da liga nin máis nin menos, o Mareantes de Pontevedra.
Parece que ambas as seccións do club sincronízanse para remar ao unísono en pos de alcanzar unha posición na táboa máis acorde ao bo traballo realizado polos seus técnicos e xogadores.