Padrón, 8 de abril do 2020 – O BNG de Padrón ven de pedir que se celebre unha xunta de portavoces telemática para loitar de xeito conxunto contra o Coronavirus.
Os nacionalistas veñen de publicar un comunicado que comeza agradecendo o esforzo dos traballadores e responsables municipais por manter os servizos. Para poder contribuír a ese traballo piden que se realice unha xunta de portavoces que sería telemática e non remunerada.
O BNG ven presentando propostas ante o concello ” confiando que se leven a termo en canto contribúen a unha mellora ou alivio da situación de moitos/as veciños”. O apoio aos produtores e ao comercio local é unha das preocupacións principais xa que na maior parte trátase de autónomos.
O grupo considera que a xunta de portavoces é o mellor xeito de consensuar medidas, que se aprobarían en futuros plenos, como de ter toda a información sobre a situación no concello.
