O mal estado da N550 en Padrón chega ao Congreso dos Deputados

0

Padrón, 2 de marzo do 2020 – O Bloque Nacionalista Galego levou ao Congreso dos Deputados as demandas dos veciños de Pazos, en Padrón, polo mal estado da N550.

O BNG insta ao Ministerio de Transportes, Mobilidade e Axenda Urbana a realizar reparacións inmediatas no tramo da N550 que discorre por Padrón. O Deputado Nestor Rego faise eco das demandas da Asociación de Veciños de Pazos e que afecta tamén ás parroquias de Iria Flavia e mesmo ao casco urbano da vila.

Os nacionalistas rexistraron unha pregunta sobre si o Goberno incluirá unha partida nos Orzamentos Xerais 2020 destinada a mellora integral de esta estrada nacional. Si non existe unha partida para toda a N550, o BNG pregunta polos puntos quilométricos nos que está previsto actuar.

As peticións de melloras na N550 foron unha constante nos últimos anos como se ve no seguinte enlace

Denuncia veciñal

A Asociación de Veciños e Veciñas de Pazos rexistrou, debido a estes feitos, unha denuncia ante o Ministerio alertando do mal estado do firme da vía N-550 entre os quilómetros 79 e 81, principalmente en dous dos pasos de peóns.

A situación viuse agravada polas choivas do outono e inverno, pero o actual estado da  N-550 en Padrón débese principalmente ao desgaste e deterioración acumulado durante anos polo paso diario de miles de vehículos e que agora, ademais, prexudica aos peóns que deben cruzar a estrada, polo que a súa necesidade de arranxo é máis que urxente.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial