Padrón inviste máis de douscentos mil euros en obras

0

Padrón, 29 de agosto do 2018 – O goberno local de Padrón vén de aprobar un paquete de seis proxectos de obras que suman un investimento total de 222.000 euros.

O investimento en obras aprobado na Xunta de Goberno Local  irá destinado a mellora de accesos e camiños nas parroquias de Iria, Herbón, Cruces e Padrón e na creación dun parque público no Campo da Barca. Segundo o concelleiro de Vías e Obras, José Ramón Pardo, estes seis proxectos engloban un total de nove actuacións que o goberno local licitará “o antes posible co obxectivo de telas finalizadas antes do remate do exercicio de 2018”.

O concelleiro, José Ramón Pardo , visitando unhas obras

O proxecto de creación dun parque público no Campo da Barca, que contará cun orzamento de 37.600 euros, incluirá o acondicionamento dunha parcela de preto de 250 metros cadrados e a instalación de pavimento elástico, dun peche perimetral e de xogos infantís como unha torre, unha randeeira, dous xogos resorte e un balancín. En canto ás melloras de viais, o proxecto de maior contía (46.800 euros) inclúe a mellora da capa de rodaxe nun treito de 450 metros no camiño Morono-Estrada de Pontecesures, na parroquia de Herbón, e a mesma actuación nun treito de 350 metros do camiño Pedreda-O Roucón, na parroquia de Iria.

Outro dos proxectos, cun investimento de 37.500 euros, consistirá na mellora da capa de rodaxe dun camiño de 310 metros en Ponte Aldea, en Padrón, e de dous tramos de 190 e 150 metros, respectivamente, no lugar de Extramundi de Abaixo. Cun importe semellante (37.200 euros), tamén se aprobou a mellora da capa de rodaxe no camiño Bascuas-Límite de Teo, cunha lonxitude de 640 metros.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial