Padrón, 10 de agosto do 2018 – O Concello de Padrón comezou hai uns días a desenvolver por primeira vez un plan de adecentamento e limpeza das rúas do centro urbano.
Padrón investiu 1.500 euros na adquisición dunha máquina hidrolimpadora para a realización de estes traballos. O concello de servizos básicos, Javier Guillán, explica que “estas tarefas de lavado, que se levan a cabo con auga a baixa presión para non erosionar a pedra, é a primeira vez que se realizan nas rúas empedradas e están a ter moi boa acollida por parte da cidadanía”. As tarefas comezaron polas rúas Rosalía de Castro, Juan Rodríguez e Ruiz Pons e polas prazas Rodríguez Cobián e Ramón Toxo e, segundo adiantou Javier Guillán, levaranse a cabo en tódalas rúas do núcleo urbano.
Tras subliñar que “polo momento só se realizou un 15% do traballo previsto”, o edil de Servizos Básicos precisou que tódalas rúas empedradas limparanse integramente, mentres que nas vías asfaltadas lavaranse unicamente as beirarrúas.