A V PequeRachada reuniu na Baña a un cento de cativos

0

A Baña, 2 de maio do 2018 – Un cento de músicos de todas as idades reuníronse na área recreativa de Chans para celebrar a quinta edición da PequeRachada, o encontro de Escolas de Música Tradicional que organiza a ACM Os Campantes e o Concello da Baña.

A pequeRachada é un encontro de cativos en torno a música tradicional. Pola mañá actuaron os membros da Escola de Música Tradicional da Baña, que dirixe Emilio Lois, xunto cos de Riscadeira de Laraño, o Galanciños da Picota e As Xoubiñas de Ultreia. Os aplausos foron constantes para animar ás máis cativas e cativos da EMT da Baña e ás meniñas de Riscadeira, que abriron o encontro interpretando varias pezas.

Despois do xantar ao aire libre, a base de callos e macarróns, continuou a festa coas actuacións de Os Viracunchos da OCT Ultreia de Compostela, O Balado de Toques, Sateira de Saiáns, a A.C. Pinguela de Bama (Touro) e a A.C. A Mámoa de Luou.

A boa música animou aos mozos e mozas a bailar e aos maiores a cantar algunhas das pezas que interpretaban os músicos participantes neste quinto encontro que promove a Escola Municipal de Música Tradicional da Baña que dirixe Emilio Lois. Vinte alumnos forman parte da EMT da Baña, na que aprende a tocar a gaita e a pandeireta.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial