Boqueixón, 21 de xuño do 2017 – Despois de recoller o Lume Sagrado directamente do sol o pasado domingo no Pico Sacro, o concello de Boqueixón o traerá a Compostela mañá xoves.
A cita será a partir das nove e media da noite nun percorrido que comezará na Alameda pasando por Porta Faxeira. Rúa do Vilar. Rúa de Xelmírez. Rúa Nova. Rúa Tras Salomé. Rúa Cardenal Payá. Praza de Mazarelos.
A raíña celta Alda e o seu séquito de doce mulleres portarán as antorchas de lume sagrado. Desfilarán acompañadas dunha comitiva de homes e mulleres de Boqueixón, Callobre e Santiago. Na praza de Mazarelos quedará custodiado o lume e a disposición da cidadanía que quera acender as fogueiras de San Xoán con lume directo do sol.